CategoriesAktivitete IniciativaTakimi i përstinshëm i Miqve të Vjosës mblodhi sërish miq të vjetër e të rinj. Që prej Marsit kur u realizua takimi i fundit “shumë ujë ka rrjedhur në Vjosë” dhe shumë zhvillime ka patur lidhur me përpjekjet tona për mbrojtjen e saj. Nga ana tjetër zhvillime ka patur edhe në kah të kundërt, ku planet për ndërtimin e HEC-eve në luginë janë rigjallëruar.
CategoriesAktivitete
EcoAlbania ka nisur një seri takimesh mbi “Politikat për efiçencën dhe performancën e energjisë në Shqipëri” me anëtarët e forumeve rinore të partive kryesore në vend. Më datë 22.06.2018 në një takim të organizuar nga EcoAlbania në Tiranë me pjesëmarrjen e të rinjve të Forumit Rinor Eurosocialist të Shqipërisë (FRESSH), përfaqësues të EcoAlbanias dhe Qendrës EDEN dhe Z. Erjon Tase nga Akademia e Studimeve Politike kanë diskutuar legjislacionin, politikat për efiçencën dhe performancën e energjisë, si dhe problematikat që ekzistojnë lidhur me zbatimin e tyre.
Në vijim të veprimtarisë lobuese dhe advokuese për përmirësimin e legjislacionit për koncesionet e HEC-eve në Shqipëri, Eco Albania ka vijuar me zhvillimin e forumeve lokale me Organizatat Shoqërisë Civile, Njësitë e Qeverisjes Vendore, ekspertë dhe autoritetet lokale mjedisore.
Më datë 23 Qershor 2018 u zhvillua takimi i dytë në Tepelenë, me pjesëmarrës organizatat lokale mjedisore, ekspertë të mjedisit, përfaqësues të Bashkive Tepelenë dhe Memaliaj, DRM Gjirokastër, Prefektura e Qarkut Gjirokastër, gazetarë, etj.
CategoriesAktivitete Njoftime për shtyp Nxitja e sipërmarrjes së gjelbër tek të rinjtë e shkollave të mesme
Tiranë, 28 Maj 2018. Nxënësit e shkollave të mesme profesionale kanë paraqitur për qytetarët e Tiranës, idetë e tyre mbi qytetet e së ardhmes. Nëpërmjet ekspozimit të dy modeleve në miniaturë të “Qyteteve inteligjente” nxënësit e shkollës teknike-elektrike “Gjergj Canco”, Tiranë dhe të shkollës së mesme profesionale “26 Marsi”, Kavajë, treguan vizionin e tyre për zhvillimin e qyteteve nëpërmjet alternativave miqësore me mjedisin.
25 Maj 2018, Durrës. Një panair i veçantë ushqimor është organizuar nga nxënësit e shkollës së Mesme Teknologjike “Hysen Çela”, Durrës me qëllim ndërgjegjësimin mbi konsumin e përgjegjshëm. Panairi “Rescue food” u shndërrua në një festë e veçantë që shënoi edhe përmbylljen e projektit “Nxitja e sipërmarrjes tek të rinjtë e shkollave të mesme”, me nxënësit e kësaj shkolle.
CategoriesAktiviteteEcoAlbania vijon zbatimin e projektit “Së bashku – një sy për mjedisin”. Tashmë në fazën e dytë të tij, ky projekt përfshin një fushatë edukimi me të rinj të moshave, fushave të interesave dhe profesioneve të ndryshme mbi tematikat e efiçencës së energjisë, kursimit të saj, izolimit termik të ndërtesave, si dhe legjislacionit përkatës.
Ne u krijuam më 15 dhjetor 2014, si një iniciativë e përbashkët e profesorëve të Departamentit të Biologjisë të Universitetit të Tiranës dhe grupit të punës në Shqipëri të fushatës “Të shpëtojmë zemrën blu të Evropës”.
Copyright © 2023 Eco Albania. All Rights Reserved.
Developed by SCM.
