Mjedisi kontribuon në mirëqenie shoqërore dhe rritje ekonomike, ndaj dhe shoqëritë e zhvilluara mundohen vazhdimisht ta ruajnë atë duke krijuar dhe zbatuar strategji afatgjata. Por në këtë proçes ka sfida të shumta me të cilat mbrojtësit e mjedisit hasen.

Sfidat e organizatave lokale të shoqërisë civile, të cilat angazhohen për çështjet mjedisore në Shqipëri janë të shumta dhe vet rrjetëzimi i tyre haset me këto sfida dhe kërkon kohë që të arrihet. Disa nga vështirësitë me të cilat organizatat përballen janë: mungesë kapacitetesh organizative, lidhje të dobëta, buxhete të limituara apo aftësi të kufizuara në marrëdhëniet me publikun.

Rrjetëzimi dhe përfitimet e rrjetëzimit një nga qëllimet kryesore të projektit ENGONA është paraqitur në videon e shkurtër grafike, ku përshkruhen teknikat e rrjetëzimit dhe metodologjia e ndjekur nga organizatat zbatuese të ENGONA për të ndërtuar një platformë që do të ndihmojë në rrjetëzimin e organizatave lokale dhe qendrore të interesuara.

Advokimi për kauzat mjedisore është një proces i cili në thelb synon bindjen e publikut ose vendimmarrësve për të vepruar rreth një çështje që ndikon apo rrezikon mjedisin.