Në këtë raport paraqitet situata e varfërisë së energjisë në 5 qytete të Shqipërisë (Shkodër, Elbasan, Tiranë, Berat dhe Vlorë). Raporti vlerësues tregon situatën e varfërisë energjetike  si për njësitë ekonomike familjare (familje vulnerabël dhe të rastësishme), ashtu edhe për njësi ekonomike të tjera (institucione të edukimit publik, administratë publike, institucione të kujdesit shëndetësor dhe hotele).

Studim nga Bankwatch mbi ndikimet e hidrocentraleve të vegjël të financuara nga Evropa në peizazhet e pacënuara të Ballkanit Shqipëria e prodhon të gjithë energjinë elektrike të saj nga hidrocentralet.11 Që nga qershori 2017, 177 hidrocentrale janë në punë e janë licensuar nga Enti Rregullator i Energjisë (ERE); 43 hidrocentrale janë në ndërtim e sipër […]

Ndërtimi i HEC-eve është kërcënimi aktual më i madh në këtë zonë. Një total prej rreth 42 HEC-esh janë parashikuar në ujëmbledhësin e Vjosës në Shqipëri. Ndërtimi i digave është ndërhyrja më shkatërruese qëmund të rezultojë me pasoja të pakthyeshme në mjedis duke dëmtuar në mënyrë përfundimtare integritetin natyror të këtij ekosistemi unik. HEC-et pengojnë rrugët e migrimit të peshqve, transportin e sedimenteve dhe përbëjnë një ndër faktorët kryesorë të ndryshimeve mikroklimatike