Mjedisi kontribuon në mirëqenie shoqërore dhe rritje ekonomike, ndaj dhe shoqëritë e zhvilluara mundohen vazhdimisht ta ruajnë atë duke krijuar dhe zbatuar strategji afatgjata.

Organizatat lokale të shoqërisë civile, të cilat angazhohen për çështjet mjedisore në Shqipëri, përballen me vështirësi të shumta si: mungesë kapacitetesh organizative, lidhje të dobëta, buxhete të limituara dhe aftësi të kufizuara marrëdhëniesh me publikun.

Për t’u ardhur në ndihmë organizatave të shoqërisë civile që angazhohen në mbrojtjen e mjedisit dhe shfaqin interes në projektin e rrjetëzimit, grupi i punës së projektit ENGONA (Enviromental NGO Network in Albania/Rrjetëzimi i Organizatave Mjedisore në Shqipëri) ka hartuar disa infografika përmbledhëse të teknikave të advokimit.

Grupi i punës së projektit ENGONA (Enviromental NGO Network in Albania/Rrjetëzimi i Organizatave Mjedisore në Shqipëri) hartoi disa infografika përmbledhëse të mënyrës së organizimit të bashkëpunimit mes organizatave, ndarjen në katër rrjete specifike si dhe përfitimet e mundshme nga platforma.