Shkodër, 22 mars 2024. Në shkollën 9-vjeçare “Zef Jubani” në Shkodër, një pjesë e rëndësishme e programit edukativ ishte bashkëpunimi i nxënësve në rritjen e ndërgjegjësimit mjedisor. Në këtë sesion edukativ, nxënësit u njohën me efikasitetin e energjisë së rinovueshme, e cila shfrytëzohet për prodhimin e energjisë elektrike.
Gjatë demonstrimit, me anë të letrave ata ndërtuan një mjet efikas por edhe të fuqishëm: një turbine ere! Me përdorimin e erës si burim energjie, u shfaq potenciali për të përdorur burime natyrore për të krijuar energji të qëndrueshme dhe të pastër, duke ndikuar pozitivisht në mjedis dhe duke zvogëluar ndikimin negativ të emetimit të gazrave të dëmshëm në atmosferë.
Rezultati i eksperimentit dha një shembull konkret se si mund të përdorim teknologjinë inovative për të promovuar përdorimin e energjisë së rinovueshme. Për studentët dhe stafin e shkollës, ky ishte një hap i rëndësishëm drejt të kuptuarit dhe praktikimit të praktikave të qëndrueshme për mbrojtjen e mjedisit. Kjo nxitje e ndërgjegjësimit për të shfrytëzuar burimet natyrore shërben si një investim në të ardhmen e qëndrueshme të mjedisit tonë.
