Tiranë, 10 tetor 2023. Energjia e fëmijëve të institucionit arsimor “Time Center” në Tiranë ndriçoi një ditë të mbushur me aktivitete tërheqëse dhe edukative. Ky takim jo vetëm që shfaqi njohuritë mbresëlënëse të fëmijëve, por gjithashtu nëpërmjet prezantimeve dhe lojërave në natyrë theksoi ndërgjegjësimin e tyre për rëndësinë e ruajtjes së mjedisit.
Dita nisi me një prezantim magjepsës mbi habitatet, ku fëmijët personifikuan si ata jetojnë në shtëpitë e tyre ashtu edhe gjallesat kanë shtëpitë e tyre. Ky ushtrim imagjinativ shërbeu si një kujtesë e nevojës kritike për të mbrojtur këto habitate për mirëqenien e të gjitha qenieve të gjalla.
Përtej sesionit informues, fëmijët shijuan një sërë lojërash në natyrë të krijuara për të nxitur si kreativitetin ashtu edhe ndërgjegjen mjedisore. Një aktivitet i spikatur përfshinte krijimin e një “pice mjedisore” në natyrë. Në vend të përbërësve tradicionalë, fëmijët e krijuan “picën” me gjëra që gjetën në mjedisin përreth, duke përforcuar mesazhin e hedhjes së përgjegjshme të mbeturinave dhe inkurajuar krijimtarinë.
Duke i dhënë një prekje artistike ditës, pikturimi i fytyrës u bë një pjesë e këndshme e aktivitetit. Fëmijët shprehën dëshirat për të zbukuruar fytyrat e tyre me dizajne të frymëzuara nga natyra dhe jeta e egër, duke përforcuar më tej lidhjen midis artit dhe ndërgjegjësimit mjedisor.
Edukimi mjedisor është një mision që nis që në moshë të hershme dhe ka ndikim në të gjithë brezat, me shpresën se fëmijët do të ndërgjegjësohen për të ndëmarrë hapa të vegjël në pëditshmërinë e tyre dhe do të përcojnë mesazhe të vlefshme edhe tek të rriturit që i rrethojnë.
Mësues apo drejtues shkolle dhe që kanë dëshirë të zhvillojmë orë edukimi mjedisor në shkollën e tyre, mund të bëhen pjesë e projektit të edukimit duke kontaktuar koordinatoren e projektit Marina Xhaho në adresën e-mailit: [email protected].
Projekti “Edukimi mjedisor në shkollat 9 vjeçare në Shqipëri”, synon të rrisë ndërgjegjësimin mjedisor nëpërmjet edukimit të të rinjve duke organizuar aktivitete në të paktën 35 shkolla të vendit.
