Platforma e organizatave ENGONA u prezantua së fundmi nga Drejtori i EcoAlbania, Olsi Nika në Tibo News. Në intervistën e tij, Nika thekson rëndësinë që ka platforma ENGONA në rritjen e bashkëpunimit mes organizatave mjedisore, veçanërisht për ato lokale të cilat janë tashmë pjesë të platformës apo do të bëhen pjesë në të ardhmen.
Platforma Engona – një platformë dedikuar organizatave mjedisore, synon të kontribuojë në zbutjen e fragmentarizimit që ekziston mes tyre, duke shërbyer si një medium ku organziatat do të kenë mundësi të rrjetëzohen e të bashkëpunojnë në nisma të përbashkëta në mbrojtjen e mjedisit.
Mjedisi kontribuon në mirëqenie shoqërore dhe rritje ekonomike, ndaj dhe shoqëritë e zhvilluara mundohen vazhdimisht ta ruajnë atë duke krijuar dhe zbatuar strategji afatgjata. Por në këtë proçes ka sfida të shumta me të cilat mbrojtësit e mjedisit hasen.
Një grup organizatash të shoqërisë civile po bashkëpunojnë në ngritjen e akt-padisë për kundërshtimin e procesit të ndërmarrë nga Agjencia Kombëtare e Zonave të Mbrojtura për rishikimin e rrjetit të zonave të mbrojtura. Sipas Besjana Gurit, nga EcoAlbania procesi u krye në një kohë rekord, ndërsa u finalizua me heqjen e shumë zonave, çka i hap rrugë investimeve që bien në kundërshtim me mbrojtjen e mjedisit.
Drejtori Ekzekutiv i EcoAlbania, Olsi Nika, ka dhënë së fundmi një intervistë për “Gazetën Shqiptare”, në të cilën ka folur për projektin e rrjetëzimit të organizatave mjedisore në Shqipëri.
Sfidat e organizatave lokale të shoqërisë civile, të cilat angazhohen për çështjet mjedisore në Shqipëri janë të shumta dhe vet rrjetëzimi i tyre haset me këto sfida dhe kërkon kohë që të arrihet. Disa nga vështirësitë me të cilat organizatat përballen janë: mungesë kapacitetesh organizative, lidhje të dobëta, buxhete të limituara apo aftësi të kufizuara në marrëdhëniet me publikun.
Ne u krijuam më 15 dhjetor 2014, si një iniciativë e përbashkët e profesorëve të Departamentit të Biologjisë të Universitetit të Tiranës dhe grupit të punës në Shqipëri të fushatës “Të shpëtojmë zemrën blu të Evropës”.
Copyright © 2023 Eco Albania. All Rights Reserved.
Developed by SCM.
