Në një reagim ndaj deklaratës së Presidentit shqiptar Ilir Meta, Kryeministri Edi Rama njoftoi për mediat sot se ai gjithashtu është pro krijimit të një Parku Kombëtar në Vjosë dhe se diga e Kalivaçit është refuzuar nga Ministri i Mjedisit. ME SHUME KETU
Në llogarinë e tij zyrtare në Twitter, Edi Rama postoi: “Jam dakord me Ilir Metën që e ardhmja nuk është shkatërrimi, po sa mirë do kishte qenë sikur ta kishte mbrojtur Valbonën nga shkatërrimi kur ishte zv.shef i qeverisë së Saliut, siç mbron sot Vjosën nga rreziku imagjinar i hidrocentraleve që nuk do të ndërtohen! Qeveria jonë e ka shpallur Park Kombëtar Vjosën e lartme. Ministria jonë e Mjedisit ka refuzuar zyrtarisht të japë leje për projekte HEC-esh në Vjosën e poshtme që do të integrohet me Parkun! Vala shkatërruese e qeverisë së vjetër mbi lumenjtë në tërësi është zmbrapsur ka kohë!”
“Ne e mirëpresim deklaratën e sotme të Kryeministrit të Shqipërisë Edi Rama, se lumi Vjosa do të shpëtohet dhe diga e Kalivaç nuk do të ndërtohet. Pas mesazhit të Kryeministrit, kjo është koha e duhur për të filluar një dialog me shkencëtarët, autoritetet publike dhe shoqërinë civile në lidhje me të ardhmen e Vjosës dhe krijimin e një Parku Kombëtar të Vjosës. Jam i sigurt se shumë institucione ndërkombëtare do të jenë të gatshëm të mbështesin këtë rrugë ”, thotë CEO i Riverwatch, Ulrich Eichelmann.
“Krijimi i një parku kombëtar në të gjithë Vjosën dhe ndalimi i energjisë elektrike është hapi i duhur. Por në Shqipëri ka projekte të tjera shkatërruese si në Parkun Kombëtar të Valbonës – ne kërkojmë me ngulm që edhe ato të ndalen menjëherë ”, thotë Gabriel Schwaderer, Drejtor Ekzekutiv i Fondacionit EuroNatur.
