Qendra për Mbrojtjen e Ekosistemeve Natyrore në Shqipëri (EcoAlbania) është një organizatë mjedisore jo-qeveritare. EcoAlbania punon për të përforcuar bashkëjetesën miqësore mes njeriut dhe natyrës në Shqipëri dhe qëllimet kryesore të saj janë:mbrojtja e ekosistemeve natyrore dhe ndërveprimeve ekologjike përmes mbrojtjes së kafshëve të egra dhe habitateve të tyre me besimin se përdorimi i burimeve natyrore të rinovueshme duhet të jetë i qëndrueshëm për mirëqenien e njeriut në vendin tonë dhe parandalimi i shkatërrimit në rritje të mjedisit natyror dhe aplikimi i masave rehabilituese. EcoAlbania punon me partnerë kombëtarë dhe ndërkombëtarë për zbatimin e projekteve me fokus mbrojtjen e mjedisit, ndërgjegjësimin dhe edukimin mjedisor.
EcoAlbania kërkon të punësojë koordinator projekti me kohë të plotë.
Kriteret që kërkohen:
- Të ketë mbaruar shkollën e lartë dhe master. Preferohet një diplomë e shkencave mjedisore si: Biologji, Inxhinieri Mjedisi, Inxhinieri pyjesh etj.
- Të ketë eksperience pune mbi 2 vjet. Përbën përparësi puna e mëparshme në OJF dhe trajnimet e marra në fushën e mjedisit dhe hartim projektesh.
- Të ketë njohuri shumë të mira në gjuhën angleze.
- Të ketë aftësi në përdorimin e programeve kompjuterike bazike (MS Office).
- Të ketë aftësi komunikimi të mira me partnerët dhe të jetë bashkëpunues në punën me ta.
- Të ketë aftësi në përgatitjen e plan-aktiviteteve dhe raporteve për punën e kryer.
- Të përballojë udhëtimet në terren jashtë Tiranës apo Shqipërisë.
Përgjegjësitë:
- Koordinatori do drejtojë një nga projektet në zbatim pranë Qendrës, duke përfshirë organizimin e aktiviteteve, raportimin dhe angazhimin në punët e përditshme të Qendrës.
- Do të hartojë planet mujore të planifikimit të aktiviteteve si dhe do të përgatisë raportet përkatëse pas kryerjes së tyre sipas kërkesave të projektit.
- Do të marrë pjesë në konferenca dhe seminare ku do të përfaqësojë Qendrën.
- Do të angazhohet në hartimin e artikujve dhe shkrimin e projekt-propozimeve.
- Të zhvillojë aktivitetet në terren brenda territorit të Shqipërisë dhe jashtë.
Aplikimi: Të interesuarit të dërgojnë një letër motivimi, CV dhe letër reference deri më 8 qershor 2024, në adresën e e-mailit: [email protected]
Të përzgjedhurit do të njoftohen me e-mail 2-3 dite pas mbylljes se afatit të aplikimit.
