New York Times në një artikull të publikuar mbi destinacionet për tu vizituar në 2023, ka listuar edhe lumin Vjosa, duke e renditur atë të 8-in. Në këtë publikim Vjosa cilësohet si një nga destinacionet më të mira natyrore për tu vizituar në 2023, duke përmendur se së shpejti do të jetë edhe parku i parë kombëtar i një lumi të Egër në Evropë.
Fushata për mbrojtjen e Vjosës, prej vitesh ka tërhequr vëmendjen e mediave ndërkombëtare dhe Vjosa si lumi i fundit i egër i Evropës është një nga vendet më të dëshiruara për tu vizituar nga turistët natyrë-dashës. Me shpalljen e tij si park kombëtar, është e kuptueshme që do të fitojë një patentë që do e plotësojë tablonë e saj turistike.
